Fannaråken
Køyr den korte turen opp til Turtagrø, gå inn Helgedalen og til topps på Fannaråken, 2068 moh. Verkeleg ein klassikar av ein tur! Turen tek 5–8 timar tur-retur. Hugs gode sko og klede. Og spør gjerne om meir informasjon i resepsjonen.
Ringsdalen
Ein forholdsvis enkel tur i lett terreng. Turen startar frå Tindevegen og går innover Ringsdalen med utsikt til Ringstindane.
Ringsdalen er òg populær når ein vil ha seg ein topptur på ski til mellom anna store Ringstind og Lauvnostind, som du ser i horisonten når du går gjennom dalen.
Ta kontakt i resepsjonen dersom du vil ha fleire opplysningar.
Skagastølsdalen
Denne relativt lette turen gir flott utsikt mot Skagastølstindane og andre tindar i Hurrungane, og du passerer fleire kulturminne og stølar. Ein kan velje mellom å gå inn til Tindeklubbhytta eller rundturen Turtagrø–Nedre Dyrhaugsrygg–Turtagrø.
